maombi

 

MAOMBI

 

Bibilia ndio kitabu pekee kinachotuelezea vizuri juu ya sala/maombi. Ni lazima Yesu atajwe katika maombi yoyote na pia kwa sababu ndio jina kuu lipitalo majina yote.

 

FALME

 

MAMLAKA

 

WAKUU WA GIZA

 

MAJESHI YA PEPO WABAYA KATIKA ULIMWENGU WA ROHO

Sala nzuri ni ile inayotoka kwa msukumo mkubwa unaotoka katika moyo  yaani nafsi. Moyo unatakiwa uwe safi na usiwe na majeraha yoyote ndio utapata msukumo wa kuomba.

 

MAOMBI NI NINI?

 

Maombi ni mawasiliano kati ya mwanadamu na Mungu. Kila mwamini anaweza kuomba. Kitu pekee kinachohitajika katika maombi ni nidhamu.

Tunahitaji ushirika wa kila siku na Mungu kwa njia ya maombi. Efeso 6:12. Tunapotaka  kuwasiliana na Mungu vitu vinatushambulia kwa sababu maombi sio mawasiliano tu bali maombi ni vita.

Wakati mwingine tunapotaka kuomba falme, mamlaka na wakuu wa giza na majeshi ya pepo wa baya hutuzuia kwa sababu hiyo huwafanya wakristo wengi kushindwa kuomba.

Maombi si kitu rahisi na ndio maana watu wengi hushindwa kuomba kwa sababu  maombi ni namna ya kushindana na adui, kabla ya kuomba ni lazima ujitakase kwa kuomba toba.

Maombi ni mawasiliano lakini pia ni vita, kwa hiyo inatupasa sisi kusoma neno la Mungu litutoa mahali  tulipo na tuhimarike na kutujenga kuweza kupigana vita na adui.

Lakini hata kama maombi ni vita, ni njia yetu sisi kumiliki. Si kila wakati ni wa maombi ya kufunga bali kuna wakati mwingine wa kula na kushiba na kumtukuza Mungu.

Kwa kuwa maombi ni vita inatupasa kubadili mbinu kila wakati, hivyo kama wanamaombi tunatakiwa kubadili mbinu za uombaji au kupambana kila mara. Mara nyingi unapokuwa kwenye mazungumzo ya kawaida mwili hauchoki, lakini unapotaka kuingia kuomba mwili huchoka na usingizi hujaa machoni kwa sababu ya vifungo vilivyo jaa nafsini mwako ambavyo  vinasababisha kufanya maamuzi ambayo nia na hisiaa vimezuia. Yoh 3:16, Rumi 5:8, 8:32, 1Yoh 4:9.

Ili uweze kuomba na majibu yaweze kuonekana au kupatikana ni lazima ni lazima uwe na nguvu ya Mungu, na pia kama waombaji tunatakiwa tufike eneo ambalo tutajitambua.

 

KUNA NJIA MBILI ZA MAWASILIANO NA MUNGU

 

Kila muamini anaweza kuomba lakini lazima awe na nidhamu.  Ushirika kila siku na Mungu kwa njia ya maombi ni kufunga na kuona hali ya kweli yaani kuona badiliko la kweli.

Hatutakiwi kufanya kosa.

Tuishi maisha ya kufanya toba. Ni kitu kinachohitaji kuadabishwa, ni kitu kinachohitajika kutimiza matumaini.

Kuadabishwa ni kupewa adhabu kwa waliyofanya waliopita kwa kutumia nguvu, maana yake kushurutishwa. Huna nguvu ya mwilini ya rohoni utashindwa. Waefeso 6:12, Mathayo 12:29.

 

Tunaposema tunawasiliana na Mungu falme na mamlaka na nguvu za giza zinaibuka na kutufanya tusiweze kuwasiliana na Mungu. Kila mwanadamu anataka kuwasiliana na Mungu, maombi ni vita na adui ukitaka kufanya maombi ni lazima uakikishe kwamba nafsi yako imejaa neno la Mungu na sio la kupapasa.

 

Unaweza ukaudhuria kipindi vizuri kula neno la Mungu, vita vinaanza pale unapopiga goti uanze kuomba ama kuwasiliana na Mungu. Mara kishindo kimelia mlangoni mara mlango unagongwa, mara miayo mingi. Maombi sio kitu rahisi, ni namna ya kushindana na kitu tusicho kiona. Watu wengi walifikiri maombi ni kula ugali mezani. Maombi kama ni maombi mazuri ni lazima uombe toba utakaswe (maombi ya toba).

 

Kumbe maombi ni vita ni lazima tupigane na falme na mamlaka. Wakati unapoomba usipige magoti karibu na kitanda maana vinaleta uvivu. Ukishaona unaomba unasogelea kochi au kitanda jua hapo hamna maombi, kama maombi ni vita basi jua sisi wanadamu ni wapiganaji. Mathayo 12:29 ni lazima umfunge mwenye nguvu, yaani maana yake katika hilo ni lazima umfunge mkuu wa anga ambaye anazuia maombi yasifike kwa baba.

 

Kwa sababu hiyo kama ujamfunga huyo mwenye nguvu utashindwa kuwasiliana na Mungu. Maombi ya vita si ya mtu dhaifu bali maombi ya vita ni ya mtu mwenye nguvu. Ndio maana majambazi yanapoenda kuiba wanakuja wengi maana wanakuwa na silaha za kutosha, wapo wabomoaji wa haraka na wapo  waingiaji wa haraka kuingia kuiba. Kwenye ulimwengu wa roho wanaweza kukuingizia kaneno kadogo kakaleta mchafuko.

Na inaonyesha ni jinsi gani ulikuwa hujapambana vizuri katika maombi. Ungekuwa umekaa vizuri katika maombi yasingekuwapo maneno maneno. Au unakuta mtu anataka kufanya maombi lakini ndani ya nafsi yake kumejaa mikataba, maagano, mazindiko ya kimizimu, majini, pepo, uganga, uchawi wa kila aina. Maombi ni njia ya kumiliki na kutawala. Kama mtu hawezi kuomba maana yake hawezi kumiliki. Hatuwezi  kufanya maombi kama hizi roho zinatawala ndani mwako au ndani yetu kama mizimu, uchawi n.k.

 

Kunakuwa na wakati wa kufanya maombi ya kufunga, wkati mwingine unaweza kupumzika na kumshukuru Mungu. Unaweza kuignia kwenye kufunga miezi mitatu na hali ikawa mbaya kuliko mwanzo kwa sababu Mungu ajatoa kibali. Kama unamtaka Mungu utabadili utaratibu lakini kama hutaki mabadiliko utabakia na zile sala za